Төмөр хийцийн үйлдвэр: гэсэн нэр томьёо нь төмөр, ган үйлдвэрлэдэг байгууламжийг хэлдэг. Эдгээр үйлдвэрүүд нь ихэвчлэн төмрийн хүдрийг хайлуулах, цэвэршүүлэх, төрөл бүрийн металл бүтээгдэхүүн үйлдвэрлэн хэрэглэгчдийн гарт хүргэдэг байгууламж бөгөөд үйлдвэрлэлийн явцад хэд хэдэн процесс дамжлага байдаг.
Төмрийн үйлдвэрлэлийн дамжлага
“Төмөр хийцийн үйлдвэр” гэсэн нэр томьёо нь төмөр, ган үйлдвэрлэдэг байгууламжийг хэлдэг. Эдгээр үйлдвэрүүд нь ихэвчлэн төмрийн хүдрийг хайлуулах, цэвэршүүлэх, төрөл бүрийн металл бүтээгдэхүүн үйлдвэрлэн хэрэглэгчдийн гарт хүргэдэг байгууламж бөгөөд үйлдвэрлэлийн явцад хэд хэдэн процесс дамжлага байдаг. Үүнд:
Уул уурхай: Эхлээн төмрийн хүдрийг уурхайгаас олборлон гаргадаг.
Боловсруулалт: Дараа нь олборлон гаргасан төмрийн хүдрийг боловсруулалтад оруулж, бутлах, шигших, ангилах зэрэг үйл явцаар дамжин наалдсан чулуу, шорооноос нь салгадаг.
Хайлуулах: Наалдсан чулуу, шорооноос ялган авсан төмрийн хүдрийг зууханд хийн хайлуулж, хэрэгцээгүй хольцыг дахин ялгаж цэвэршүүлэх дамжлагад шилжүүлэхэд бэлэн болгодог.
Цэвэршүүлэх: Хайлмал төмрийг бат бөх, чанартай, эдэлгээ удаан, зэврэлтэд тэсвэртэй, өнгөлөг болгохын тулд нэмэлтээр дахин боловсруулалтад оруулж бүрэн төгс болтол нь цэвэрлэдэг.
CORE TECHNOLOGY SOLUTIONS LLC
Чанартай, эдэлгээ сайтай, галд тэсвэртэй, элэгдэл багатай уул уурхай, болон үйлдвэрийн тоног төхөөрөмжийг зөвхөн манай компани санал болгож байна.
Цутгах ба хэлбэржүүлэх: Цэвэршүүлсэн төмрийг тодорхой хэлбэрт цутгаж, хавтан, баар гэх мэт төрөл бүрийн бүтээгдэхүүн болгон хэрэглэгчдийн гар дээр гаргахад бэлэн болгодог.
Дуусгах: Эцэст нь бэлэн болсон бүтээгдэхүүн дээр бүрэх, дулааны боловсруулалт хийх гэх мэт нэмэлт үйлчилгээнүүд хийж зах зээлд нийлүүлдэг.
Төмөр хийцийн үйлдвэр нийгэм, эдийн засагт хэрхэн нөлөөлдөг вэ?
Төмрийн үйлдвэрүүд нь эдийн засаг, технологи, нийгэм, байгаль орчин зэрэг өргөн хүрээнд эерэг нөлөөлөл үзүүлдэг. Үүнд:
Эдийн засгийн хувьд:
- Ажлын байр үүсгэх: Төмрийн үйлдвэрлэл нь их хэмжээний ажлын байр үүсгэдэг бөгөөд тухайн улсын орон нутаг, сум, дүүргүүдийн иргэдийг ажлын байраар хангаж эдийн засагт эерэг нөлөөлөл үзүүлдэг.
- Дотоодын үйлдвэрлэлийг дэмжих: Төмөр, ган нь бусад олон салбаруудын үйлдвэрлэлийн суурь материал болдог учраас төмрийн үйлдвэрүүд нь бусад салбаруудыг дэмжих чухал хүчин зүйл болдог.
- Экспортын орлого: Төмөр бүтээгдэхүүн нь олон улсад экспортлогдож, улс орны валютын нөөцийг нэмэгдүүлдэг.
CORE TECHNOLOGY SOLUTIONS LLC
Чанартай, эдэлгээ сайтай, галд тэсвэртэй, элэгдэл багатай уул уурхай, болон үйлдвэрийн тоног төхөөрөмжийг зөвхөн манай компани санал болгож байна.
Технологийн хувьд:
- Инновацыг дэмжих: Төмрийн үйлдвэрлэлийн салбарууд нь шинэ технологи, үйлдвэрлэлийн арга барилыг хөгжүүлэхэд түлхүү анхаар ч тухайн улс орны инновацыг дэмжихэд чухал нөлөөлөл үзүүлдэг.
- Техник технологийн хөгжил: Төмөр, ганы үйлдвэрлэл нь өндөр технологийн судалгаа, хөгжлийг шаарддаг тул уг салбар нь технологийн шинэчлэлтэд түлхүү хувь нэмэр оруулдаг.
Нийгэм, байгаль орчны хувьд:
Барилга байгууламжийн хөгжил: Төмрийн үйлдвэрлэл нь барилга байгууламж, зам тээврийн сүлжээ, эрчим хүчний дамжуулах сүлжээ зэрэг төслүүдэд чухал хэрэгцээт материал нь болдог.
