Үнэт чулуу олборлох: Эрдэнийн чулуу гэж нэрлэгддэг үнэт чулуу нь гоо үзэсгэлэнтэй, ховор, нандин, бат бөх чанараараа үнэлэгддэг ашигт малтмал буюу байгалийн органик материал юм. Үнэт чулууг ихэвчлэн үнэт эдлэл, гоёл чимэглэлийн зүйлд ашигладаг.
Үнэт чулуу гэж юу вэ?
Эрдэнийн чулуу гэж нэрлэгддэг үнэт чулуу нь гоо үзэсгэлэнтэй, ховор, нандин, бат бөх чанараараа үнэлэгддэг ашигт малтмал буюу байгалийн органик материал юм. Үнэт чулууг ихэвчлэн үнэт эдлэл, гоёл чимэглэлийн зүйлд ашигладаг.
Үнэт чулуу нь өнгөлөг, гялтганасан гоо зүйн шинж чанараараа үнэлэгддэг бөгөөд “Үнэт чулуу” гэсэн нэр томьёо нь олборлолтын явцад үнэт эсвэл хагас үнэт чулуу гэж ялган ангилахад ашигладаг нэр томьёо юм.
Уламжлал ёсоор дэлхий дахинд хүлээн зөвшөөрөгдсөн дөрвөн үнэт чулуу байдаг. Үүнд:
CORE TECHNOLOGY SOLUTIONS LLC
Чанартай, эдэлгээ сайтай, галд тэсвэртэй, элэгдэл багатай уул уурхай, болон үйлдвэрийн тоног төхөөрөмжийг зөвхөн манай компани санал болгож байна.
Алмаз
Алмаз гэж нэрлэгддэг үнэт чулуу нь гайхамшигтай хатуулаг, гялалзсан чанараараа алдартай бөгөөд болорлог бүтэцтэй нүүрстөрөгчийн атомуудаас бүрддэг ашигт малтмал юм.
Мөн дийлэнх Алмазууд өнгөгүй, тунгалаг, гялалзсан байдаг боловч зарим тохиолдолд ховорхон өнгөтэй алмаз олддог.
Бадмаараг
Бадмаараг чулуу нь корунд хэмээх эрдсийн улаан сортод харьяалагддаг бөгөөд тод улаан өнгө, болон гялтганадаг чанараараа нэлээд үнэлэгддэг ашигт малтмал юм. Бадмаараг чулууны элементэд “хромын хольц” орсон нь бадмаараг чулууны өвөрмөц, гоёмсог өнгийг үүсгэж өгдөг.
Индранил
Индранил гэдэг үнэт чулуу нь улаан өнгөнөөс бусад бүх төрлийн өнгөөр байгальд олдоцтой байдаг ашигт малтмал юм. Мөн Индранилууд дундаас цэнхэр индранил нь нэлээд ховор байдаг тул хамгийн алдартай бөгөөд үнэтэй зарагддаг.
Маргад
Маргад нь гайхамшигтай гялтганасан, ногоон өнгийн үнэт чулуу юм. Маргадын бүтцэд “хром, ванади” зэрэг химийн элемент агуулагдсан байдаг бөгөөд эдгээр элементүүд нь ногоон өнгийг үүсгэж өгдөг.
CORE TECHNOLOGY SOLUTIONS LLC
Чанартай, эдэлгээ сайтай, галд тэсвэртэй, элэгдэл багатай уул уурхай, болон үйлдвэрийн тоног төхөөрөмжийг зөвхөн манай компани санал болгож байна.
Үнэт чулуу олборлох
Үнэт чулуу олборлох үйл явц нь үнэт чулууны төрөл, орд, геологийн нөхцөлөөс хамааран өөр өөр байдаг боловч ерөнхий үндсэн олборлолтыг танилцуулъя. Үүнд:
Хайгуул
Геологичид болон эрдэс судлаачид нь газрын тогтцыг судалж, эрдэнийн чулууны орд газруудыг хайж, илрүүлдэг. Үүнд: эрдэнийн чулуу байгаа эсэхийг илтгэх чулуулаг болон хөрсний бүтэц багтдаг.
Үнэт чулууны орд газрын байршил тогтоогдсоны дараа геологичид тухайн газарт шалгалт хийж, эрдэнийн чулуу эсвэл үнэ цэнтэй ашигт малтмал байгаа эсэхийг илтгэх шинж тэмдгийг судалдаг.
Ил уурхай
Ил уурхай гэдэг нь газрын гадарга дээр байгаа ашигт малтмалыг олборлох үйл явц юм. Үүнд: үнэт чулууг ил гаргахын тулд их хэмжээний даацыг (хөрс, чулуулаг) зайлуулдаг. Дараа нь үнэт чулууг олборлож, цаашдын боловсруулалтад оруулдаг.
Гүний уурхай
Эрдэнийн чулууны орд газрын гүнд байгаа тохиолдолд далд уурхайг ашигладаг. Далд уурхай нь үнэт чулуунд хүрэх тусгай хонгил барих шаардлага гардаг бөгөөд энэ нь ил уурхайтай харьцуулахад илүү ажиллагаа шаардагдахаас гадна өртөг өндөр байдаг.
Аллювийн олборлолт
Зарим эрдэнийн чулуунууд гол болон шороон ордуудаас олддог тул уурхайчид эрдэнийн чулууг эргэн тойрны хайрга, элснээс ялгахын тулд хайрга, шлюз зэрэг тусгай арга, техникийг ашигладаг.
CORE TECHNOLOGY SOLUTIONS LLC
Чанартай, эдэлгээ сайтай, галд тэсвэртэй, элэгдэл багатай уул уурхай, болон үйлдвэрийн тоног төхөөрөмжийг зөвхөн манай компани санал болгож байна.
Ангилах
Эрдэнийн чулуу агуулсан материалыг олборлосны дараа түүнийг чулуулаг болон бусад ашигт малтмалаас ялгаж авах, боловсруулах, байгууламж руу зөөвөрлөдөг. Дараа нь үнэт чулууг хэмжээ, өнгө, чанараар нь ангилдаг.
Зүсэх, өнгөлөх
Олборлолт хийсний дараа ихэнх эрдэнийн чулуунууд барзгар, чулуулаг хэлбэртэй байдаг тул чадварлаг гар урчууд тусгай багаж хэрэгслээр эрдэнийн чулуунуудыг зүсэж, хэлбэржүүлж, гоо үзэсгэлэнтэй болгон урлаж, мөн гялтганатал нь өнгөлдөг. Энэ процессыг lapidary гэж нэрлэдэг.
Зах зээлийн хуваарилалт
Зүсэж, өнгөлсний дараа үнэт чулуунууд зарагдахад бэлэн болдог. Тэдгээрийг үнэт эдлэлийн үйлдвэрлэгчид, бөөний худалдаачид эсвэл жижиглэнгийн худалдаачдад зарж, эцэст нь хэрэглээний зах зээлд гардаг.
